‘कमजोर छैन नेपालको शिक्षा’

Bachelor College in Nepal

कल्याण अधिकारी डीस होमका जनरल म्यानेजर हुन् । उनले प्रिसिडेन्डल कलेजबाट एमबीए पूरा गरे । दुई साताअघि भएको दीक्षान्त समारोहमा उपराष्ट्रपति नन्दबहादुर पुनबाट उनी दीक्षित भए ।
आफ्नो उमेर समूहका साथीहरु पढाइका लागि विदेश गइरहेकाबेला कल्याणले किन स्वदेश रोजे त ? ‘कुनै नाम चलेको ठुलो कलेजबाट सर्टिफिकेट लिँदैमा उसको जीवन ब्यवहारमा परिवर्तन हुन्छ भन्ने पनि होइन,’ उनी भन्छन्, ‘नेपालका धेरै कलेजहरु अहिले जीवन उपभोगी बन्दै गएका छन् । यहीँका कलेजबाट शिक्षा लिएका धेरै ब्यक्ति अहिले विदेशको महत्वपूर्ण ठाउँमा काम गरिरहेका छन् । यसबाट पनि प्रमाणित हुन्छ की नेपालको शिक्षा कमजोर छैन ।’
प्रिसिडेन्टल कलेजको प्रेस नोटमा अमेरिकाबाट लिने शिक्षा नेपालमै लिन सकिने उल्लेख छ  ।
कल्याणसँगै दीक्षित भएका सुबिसुका एचआर म्यानेजर निलम केसी नेपालमा लिएको शिक्षा आत्मनिर्भर र आत्मविश्वासी छैन भन्ने कुरा सत्य नभएको दाबी गर्छिन् । ‘आत्मनिर्भर बनाउन सक्ने र अन्तर्राष्टिय बजारमा प्रतिस्पर्धा गर्न सक्ने क्षमता भएका बिद्यार्थी यहाँका कलेजहरुबाट पनि उत्पादन हुन सक्छन्,’ उनी भन्छिन् ।
अभिनेत्री केकी अधिकारी पनि नेपालका कलेजहरुको शिक्षाको स्तरमा शंका गर्न नसकिने बताउँछिन् । अनुभवी, दक्ष प्रोफेसर, फरक प्रकारको शिक्षण विधि, स्वदेशमा नै अमेरिकी पद्धतिको शिक्षा पाउनु खुसीको कुरा भएको उनले बताइन् ।

केकीको पढाइ अनुभव ‘अनन्तसम्म पुग्ने साहस छ’

हेड अफ सपोर्ट सर्भिस टियर फन्डका बिनोद श्रेष्ठले सबैलाई उच्च शिक्षा विदेशमा गएर पढ्न सम्भव नभएको बताउँछन् । ‘मलाई पनि सम्भव थिएन । विदेशी शिक्षा नेपालमा लिने चाहना थियो,’ उनी भन्छन्, ‘त्यही भएर नेपालमै पढेको हुँ ।’ उनले पुल्चोकबाट सिभिल इन्जिनियर गरेका थिए । पछि पिपल्स र पब्लिक यूथ कलेजमा पढे ।
भारतको बैंग्लोर युनिभर्सिटीबाट विजएमका क्लव हिमालयन नगरकोटका अरुण झा पनि स्वदेशमै बसेर अमेरिकन सर्टिफिकेट लिन पाएकोमा खुसी छन् । ‘उच्च शिक्षा लिन विदेश जाँदा आर्थिक ब्ययभार थपिने पात्र हो । त्यही प्रकारको ज्ञान नेपालमा पनि सजिलै पाउन सकिन्छ,’ उनी भन्छन्, ‘विदेश होइन नेपाल रोजौं, जीवन जिउन सिकौं ।’